Það á að ganga erfiðlega að hefja markmannsæfingar á nýju ári. Markmannsæfingar sem áttu að hefjast í dag falla niður v. veðurs. Fyrstu markmannsæfingar vetrarins verða því næstkomandi miðvikudag (1.febrúar), yngri hópur (5.flokkur og yngri) kl. 15:00-16:00 og eldri hópur (3. og 4.flokkur) kl. 16:00-17:00.
Með von um rigningu.
Fjórða umferðin í "Stigamóti Þróttar" í hraðskák var tefld í gærkvöldi og var harðar barist en oft áður. Ólafur Guðmundsson varð efstur að venju en tapaði sinni fyrstu skák í vetur, gegn Davíð Jónssyni. Ólafur hlaut 6 vinninga í sjö skákum. Næstir komu þeir Helgi Þorvaldsson og Jón H. Ólafsson með 5 vinninga hvor en Davíð varð að láta sér lynda fjórða sætið með 4,5 vinninga. Í fimmta sæti varð síðan aldursforsetinn Baldur Þórðarson, en hann verður áttræður síðar á árinu, með 3,5 vinninga. Gunnar Randversson hlaut 3 vinninga en þeir Gísli Þór Þorkelsson og Sölvi Óskarsson ráku lestina með hálfan vinning hvor.
Á morgun, laugardaginn 21.janúar leikur meistaraflokkur kvenna gegn KR í reykjavíkurmótinu. Leikurinn verður leikinn í Egilshöll og byrjar kl. 17:00.
Fjölmennum á völlinn!
Í dag var dregið í jólahappadrætti Þróttar, alls voru 96 vinningar í boði. Salan gekk ljómandi vel og styrkir stoðirnar undir allar deildir Þróttar. Aðalvinningurinn var Samsung Galaxy spjaldtölva frá Tæknivörum.
Vinningsnúmerin má einnig nálgast HÉR.
Allir útistandandi miðar voru ógildir. Útistandandi miðar eru þeir miðar sem hafa farið til iðkenda eða félagsmanna en hefur ekki verið skilað eða verið greitt fyrir.
Hægt verður að vitja vinninga næstu daga á skrifstofu Þróttar, einnig hægt að hafa samband við starfsmenn Þróttar á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. eða Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. . Sími Þróttar er svo 580-5900. Sé vinnings ekki vitjað fyrir 1. mars 2012 fellur vinningurinn niður.
Við vonum svo auðvitað að sem flestir verði heppnir með sitt númer.
LIFI Þróttur!
Markmannsæfingar sem áttu að hefjast í dag falla niður v. veðurs. Fyrstu markmannsæfingar vetrarins verða því næstkomandi miðvikudag, yngri hópur (5.flokkur og yngri) kl. 15:00-16:00 og eldri hópur (3. og 4.flokkur) kl. 16:00-17:00.
Meistaraflokkur karla leikur sinn fyrsta leik í reykjavíkurmótinu þetta árið á föstudaginn (20.janúar) kl. 19:00 í Egilshöll. Nú er um að gera að fjölmenna og bera strákana augum, sjá hvernig þeir koma undan jólafríi.
LIFI Þróttur!
Bls. 1 af 228
