Knattspyrnuskóli í páskafríinu fyrir 5.-7. flokk (örfá sæti eftir laus).

KN2015

 

 

 

 

ATH örfá sæti eftir laus.

KN-Knattspyrnuskólinn verður sem fyrr starfræktur í páskafríinu í samvinnu við barna- og unglingaráð knattspyrnudeildar. Um er að ræða þriggja daga námskeið þar sem áhersla verður lögð á að bæta alhliða boltatækni iðkenda í gegnum æfingar og leiki. Mikil áhersla verður lögð á jákvæða upplifun iðkenda á leiknum (knattspyrnunni).

Námskeiðið verður opið fyrir alla iðkendur í 5.-7.flokki karla og kvenna. Iðkendum verður síðan skipt upp eftir aldri. Yfirþjálfarar skólans eru þeir Jakob Leó Bjarnason og Jón Hafsteinn Jóhannsson og með þeim verða aðstoðarþjálfarar. Báðir hafa þeir mikla reynslu í þjálfun og eru með UEFA B þjálfaragráðu og hafa einnig lokið þjálfarastigi V hjá KSÍ ásamt því að hafa setið fjöldamörg námskeið um þjálfun barna og unglinga.

Knattspyrnuskólinn er á sínu fimmta ári og fyrri ár hefur þurft að loka fyrir skráningar sökum fjölda. Áhugasamir eru því hvattir til að skrá sig fljótt.

Skráning HÉR.

Lesa áfram Knattspyrnuskóli í páskafríinu fyrir 5.-7. flokk (örfá sæti eftir laus).

Unglingadómaranámskeið hjá Þrótti 8. apríl.

104

 

 

 

 

 

 

Miðvikudaginn 8. apríl verður haldið unglingadómaranámskeið í húsakynnum KSÍ við Laugardalsvöll.

Námskeiðið er haldið af KSÍ í samvinnu við Þrótt og hefst kl. 18:00.  Námskeiðið stendur í um tvær og hálfa klukkustund og er öllum opið sem náð hafa 15 ára aldri.

Á námskeiðinu er lögð aðaláhersla á knattspyrnulögin en auk þess verður einnig farið yfir ýmis konar kynningarefni, fræðsluefni, skýringar og skýringarmyndir.  Námskeiðinu lýkur með skriflegu prófi viku síðar.

Námskeiðið er ókeypis.

Sá sem lýkur unglingadómaraprófi hefur rétt á að dæma í 4. flokki og neðar ásamt því að vera aðstoðardómari upp í 2. flokk.

Skráning er hafin á magnus@ksi.is