Þétt dagskrá í dag föstudaginn 30.janúar.

Í kvöld eiga meistaraflokkar karla í handbolta og fótbolta leiki,

1.deild karla Víkingur – Þróttur kl. 19:30 Víkin

Rvk.mót karla Þróttur – Valur kl. 21:00 Egilshöll

Til að hita upp er tilvalið að skella sér á Köttquiz sem haldið verður í félagsheimili Þróttar á milli 18:00 og 19:00, húsið opnar kl 17:00.

köttquiz

Stúlkurnar í 3.flokki aðstoða drengina í 7.flokki fyrir æfingar.

Við hjá Þrótti kynnum nýjung en vegna mikils fjölda drengja í 7.flokki hafa stúlkurnar í 3.flokki tekið að sér að aðstoða drengina fyrir æfingar. Um er að ræða aðstoð við starfsmenn Þróttar en margar hendur vinna létt verk. Til að mynda þarf að reima um 100 skópör þegar mest er.

Það er von félagsins að þetta létti undir með strákunum og þjálfurum þeirra og geri starfið skilvirkara. Um leið eflir þetta vonandi félagsandann.

Barna- og unglingaráð knattspyrnudeildar styrkir stúlkurnar á móti en flokkurinn stefnir á æfinga- eða keppnisferð á erlendri grundu í sumar.

Ragnar Pétursson og Viktor Jónsson í æfingahópi U-21 árs landsliðsins.

Eyjólfur Sverrisson landsliðsþjálfari U-21 árs landsliðs karla hefur valið æfingahóp fyrir æfingar sem fara fram komandi helgi. Við Þróttarar eigum tvo fulltrúa í hópnum en þeir Ragnar Pétursson og Viktor Jónsson voru valdir í hópinn.

Óskum við þeim til hamingju með valið og um leið góðs gengis á æfingunum.