3. flokkur kvenna

Morgunæfingar stúlkna í 3. og 4. flokki

Morgunæfingar stúlkna í 3. og 4. flokki hefjast miðvikudaginn 29. mars kl. 6:30 og eru iðkendur vinsamlegast beðnir um að vera mættir tímanlega, húsið verður opnað 6:15.
Umsjónarþjálfarar æfinganna verða Haraldur Hróðmarsson og Tommy Nielsen.

Gjöld vegna æfinganna eru kr. 3.000 og þurfa skráðir iðkendur að greiða á fyrstu æfingu, annað hvort með reiðufé eða með korti.

Gert er ráð fyrir að æfing standi yfir frá kl. 6:30-7:30 og að lokinni æfingu fái stúlkurnar léttan morgunmat hér í Þrótti sem innifalinn er í gjaldinu.

Mjög mikilvægt er að skrá iðkendur til þátttöku tímanlega og eigi síðar en mánudaginn 27.mars.

Ef frekari upplýsinga er óskað þá vinsamlegast verið í sambandi við thorir@trottur.is

Lovísa í æfingahóp U17 ára landsliðs Íslands.

Jörundur Áki Sveinsson landsliðsþjálfari U-17 ára landsliðs kvenna hefur valið æfingahóp fyrir æfingar sem fara fram um aðra helgi. Við Þróttarar eigum einn leikmann í hópnum en það er okkar efnilegi markmaður Lovísa Halldórsdóttir. Óskum við Lovísu til hamingju með valið og um leið góðs gengis á æfingunum.

Lifi Ísland og Lifi Þróttur.

Dómaranámskeið knattspyrna

Þróttur leitar nú til áhugasamra foreldra um að kynna sér betur dómgæslu þannig að mögulegt sé að leita til þeirra til að dæma örfáa leiki sumarið 2017, því fleiri sem tilbúnir eru því færri leikir á hvern aðila.

Dómaranámskeið verður haldið í félagsheimili Þróttar þriðjudagskvöldið 13. desember (næsta þriðjudag) kl. 19:30 og lýkur því um kl. 21:30.

Áhugasamir eru vinsamlegast beðnir um að skrá sig hjá undirrituðum fyrir hádegi á þriðjudag.  Engin skuldbinding felst í þátttöku á námskeiðinu og hver og einn getur metið hvort áhugi er fyrir hendi um að dæma nokkra leiki hjá yngri flokkunum á næsta ári.

Ég hvet foreldra og forráðamenn til þess að sýna þessu áhuga og taka þátt í að bæta enn starf félagsins, því eins og áður sagði eru málefni dómgæslunnar mikilvægur hluti af uppeldi og þjálfun í knattspyrnu.

Námskeiðið er ókeypis.

Með fyrirfram þökk fyrir jákvæð viðbrögð,

Meiðsla- og ástandsskimun yngri flokka 2016/2017 – Knattspyrnudeild Þróttar

Knattspyrnudeild Þróttar í samráði við Valgeir Einarsson sjúkraþjálfara mun standa fyrir meiðsla – og ástandsskimun leikmanna yngri flokkar Þróttar (2, 3 og 4 flokkur) í Þróttarheimilinu dagana 13.-16. desember n.k.

Lesa meira

Dómgæsla yngri flokka í knattspyrnu– mikilvægi foreldra/forráðamanna

Eins og kunnugt er skiptir dómgæsla miklu máli í leikjum yngri flokka sem og annars staðar,  en á síðasta ári voru leiknir á Íslandsmóti um 200 leikir á vallarsvæði Þróttar (auk þessa fjölmargir leikir á Rey Cup og VÍS móti)  þar sem félagið útvegaði dómara.  Oftar en ekki var því miður verið að bjarga dómurum á síðustu stundu í sumum leikjum og er ljóst að við verðum í sameiningu að reyna að vinna betur að málum þannig að skipulag sé á niðurröðun dómara og við útvegum dómara við hæfi til þess að dæma leiki hjá ungum iðkendum.

Lesa meira

© Copyright 2016 Knattspyrnufélagið Þróttur

Knúið af Everything WordPress sniðmátinu