Old boys lávarðar

Dómaranámskeið knattspyrna

Þróttur leitar nú til áhugasamra foreldra um að kynna sér betur dómgæslu þannig að mögulegt sé að leita til þeirra til að dæma örfáa leiki sumarið 2017, því fleiri sem tilbúnir eru því færri leikir á hvern aðila.

Dómaranámskeið verður haldið í félagsheimili Þróttar þriðjudagskvöldið 13. desember (næsta þriðjudag) kl. 19:30 og lýkur því um kl. 21:30.

Áhugasamir eru vinsamlegast beðnir um að skrá sig hjá undirrituðum fyrir hádegi á þriðjudag.  Engin skuldbinding felst í þátttöku á námskeiðinu og hver og einn getur metið hvort áhugi er fyrir hendi um að dæma nokkra leiki hjá yngri flokkunum á næsta ári.

Ég hvet foreldra og forráðamenn til þess að sýna þessu áhuga og taka þátt í að bæta enn starf félagsins, því eins og áður sagði eru málefni dómgæslunnar mikilvægur hluti af uppeldi og þjálfun í knattspyrnu.

Námskeiðið er ókeypis.

Með fyrirfram þökk fyrir jákvæð viðbrögð,

Dómgæsla yngri flokka í knattspyrnu– mikilvægi foreldra/forráðamanna

Eins og kunnugt er skiptir dómgæsla miklu máli í leikjum yngri flokka sem og annars staðar,  en á síðasta ári voru leiknir á Íslandsmóti um 200 leikir á vallarsvæði Þróttar (auk þessa fjölmargir leikir á Rey Cup og VÍS móti)  þar sem félagið útvegaði dómara.  Oftar en ekki var því miður verið að bjarga dómurum á síðustu stundu í sumum leikjum og er ljóst að við verðum í sameiningu að reyna að vinna betur að málum þannig að skipulag sé á niðurröðun dómara og við útvegum dómara við hæfi til þess að dæma leiki hjá ungum iðkendum.

Lesa meira

LEIKMENN OLDBOYS-LÁVARÐAR FÆRA FÉLAGINU GJAFIR

Nokkrir fulltrúar Oldboys-Lávarðar afhentu félaginu nýtt og öflugt hljóðkerfi fyrir gervigrasvöllinn. Um er að ræða fjóra nýja hátalara, magnara, mixer og míkrófón.

Félagið þakkar þessum síungu leikmönnum félagsins fyrir þessa góðu gjafir, sem munu örugglega hjálpa til við tryggja góða stemmingu í stúkunni í allt sumar.

LEIKMENN OLDBOYS-LÁVARÐAR STYRKJA MEISTARAFLOKK KARLA

Ágúst Tómasson, Jóhann Páll Sigurðarson og Bragi Skaftason, leikmenn Oldboys Þróttar, afhentu nýverið Gregg Ryder ferðastyrk að upphæð 150 þús krónur. Meistaraflokkur karla er nú að safna fyrir æfingaferð til Spánar í apríl, sem er liður í undirbúningi fyrir komandi átök í Pepsí-deildinni. Meistaraflokkur þakkar Oldboys kærlega fyrir stuðninginn.

Leiknir – Þróttur í kvöld

Strákarnir okkar í meistaraflokki karla eiga útileik gegn Leikni í kvöld kl. 18.00 á Leiknisvelli.

Fínn sigur gegn Tindastól í síðasta leik og nú er að fylgja því eftir, fjölmennum í Breiðholtið og styðjum við bakið á strákunum!

Lifi Þróttur!

 

© Copyright 2016 Knattspyrnufélagið Þróttur

Knúið af Everything WordPress sniðmátinu