Knattspyrnufélagið Þróttur

Knattspyrnufélagið Þróttur er 61 árs í dag.

Félagið var stofnað 5.ágúst árið 1949, stofnfundurinn var haldinn í herbragga vestur í Grímsstaðavör í Reykjavík. Þróttur starfaði í Vesturbænum fyrstu 20 árin, við mikið aðstöðuleysi og oft við þröngan kost fjárhagslega. Árið 1969, á 20 ára afmæli félagsins, flutti Þróttur milli bæjarhluta, í austurbæinn og eignaðist aðstöðu við Sæviðarsund þar sem félagið starfaði til ársins 1999 þegar flutt var í Laugardalinn þar sem félagið er enn þann dag í dag.

Til hamingju með daginn allir Þróttarar nær og fjær.

LIFI ÞRÓTTUR

Okkar menn munu etja kappi við drengina úr Grafarvoginum í kvöld á okkar heimavelli kenndan við Valbjörn.

Leikurinn byrjar kl. 19:00 og við hvetjum alla til að fjölmenna og styðja rauð/hvít röndótta undrið á 61 árs afmælisdegi félagsins. Með sigri minnkum við bilið á pakkann fyrir ofan okkur og sogum okkur frá liðunum sem eru fyrir neðan okkur.

LIFI ÞRÓTTUR

Kaffi og ?

Sælt veri fólkið.

Nú er Olís mótið að bresta á og erum við með 5. lið skráð til keppni á mótinu.

Mótið hefst kl. 14.00 á föstudaginn og þurfa drengirnir að vera mættir í síðasta lagi kl 12.30 í Vallaskóla.  

Blakdeild Þróttar mun standa fyrir opnu strandblakmóti 21. ágúst í Gufunesi. Keppt verður bæði í flokki byrjenda og þeirra sem lengra eru komnir í íþróttinni. Þrír leikmenn eru inn á hvoru liði, keppt er annað hvort upp á tvær hrinur eða tíma. Mótið verður auglýst aftur þegar nær dregur. Nánari upplýsingar er hægt að nálgast á veffanginu Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. . Hafi einhverjir áhuga á að aðstoða blakdeild við framkvæmd mótsins þá er hægt að hafa samband við formann deildarinnar, Silla, í síma 869 2579.

Strákarnir leika gegn Fjölni á fimmtudaginn kl. 19:00 á Valbjarnarvelli.

Stúlkurnar leika gegn HK/Víkingi á laugardaginn kl. 14:00 á Valbjarnarvelli.

 

Mætum öll og styðjum okkar lið.

LIFI ÞRÓTTUR