Knattspyrnufélagið Þróttur

Þróttarar taka á móti HK mönnum í kvöld.  Þar sem Valbjarnarvöllur ásamt restinni af Dalnum er í stöðugri notkun vegna ReyCup, þá verður leikurinn leikinn á þjóðarleikvanginum, sjálfum Laugardalsvelli. Leikurinn hefst á slaginu 20:00.

Strákarnir hafa ekki verið á góðu róli undanfarið, og nú þurfum við að sýna stuðning okkar með því að fjölmenna á völlinn. Enn og aftur vill ég minna á að stuðningur við strákana getur skipt gríðarlegu máli.  Mætum því á völlinn og höfum gaman.

LIFI ÞRÓTTUR!!!!

Jafningjafræðsla Hins hússins, Knattspyrnusamband Íslands og Lýðheilsustöð hafa hleypt af stað átaksverkefninu „Bagg er bögg“. Átakinu er ætlað að sporna við aukinni munntóbaksnotkun  hjá ungu fólki, þar sem sérstök áhersla er lögð á unga knattspyrnuiðkendur. Andlit átaksins eru Alfreð Finnbogason landsliðsmaður í knattspyrnu og Sara Björk Gunnarsdóttir landsliðskona í knattspyrnu ásamt jafningjafræðurunum Rúnari Guðbjartssyni (leikmanni mfl.karla hjá Þrótti) og Sigríði Ólafsdóttur, en þau spila einnig knattspyrnu með íslenskum félagsliðum samhliða störfum sínum hjá Jafningjafræðslunni.

Nánar um átakið á: http://www.ksi.is/fraedsla/nr/8626

Það er ekki hægt að segja annað en að stelpurnar okkar í meistaraflokki kvenna séu að standa sig vel. En einn sigurinn bættist í safnið á sunnudaginn en þá spiluðu stelpurnar við baráttuglatt lið Tindastóll/Neista. Leikar enduðu 3-0 fyrir Þrótti með mörkum frá  Margréti, Soffíu og svo skoruðu gestirnir eitt sjálfsmark eftir góðan undirbúning frá Margréti.

Meira hér að neðan.

Þróttur og KA léku á Akureyri á laugardaginn var. KA-menn höfðu betur og sigruðu örugglega 3-0. Þróttarar fengu vítaspyrnu snemma í leiknum, enMummi brást á vítapunktinum. Næsti leikur meistaraflokks verður á miðvikdag. Leikurinn mun fara fram á Laugardalsvelli, þar sem Valbjarnarvöllur verður undirlagður vegna ReyCup mótsins. Leikurinn hefst kl. 20:00.

Nú styttist óðum í Alþjólegu knattspyrnuhátíðina Rey Cup sem haldin verður dagana 21.-25. júlí n.k. Á Rey Cup er keppt í 3. og 4. flokki stúlkna og drengja og eru um 90 lið skráð til þátttöku í ár.

Til að svona stórt mót geti gengið vel fyrir sig þarf félagið á allri þeirri hjálp að halda sem möguleg er við hin ýmsu störf.

Við kynntum í vetur á foreldrafundum hvernig verkaskipting yrði háttað en að sjálfsögðu er öllum frjálst að taka að sér þau störf sem hverjum og einum hentar.