Knattspyrnufélagið Þróttur

Meistaraflokkur kvenna heldur áfram að raða inn stigum í A-riðli 1.deildar.

Á fimmtudaginn unnu okkar konur 8-0 stórsigur á Álftnesingum. Það voru þær Ástrós Linda, Eyrún Kristín, Soffía Ummarin (2), Hrefna Huld, Margrét María (2) og Valgerður sem skoruðu mörk Þróttar.

 

 

 

 

Yngra árið í 6.flokki karla er sem stendur á Nikulásarmóti Leifturs á Ólafsfirði. Stemmingin í hópnum er mjög góð og strákarnir eru að skemmta sér frábærlega. Frammistaðan á vellinum er ekki síðri því öll þrjú Þróttaraliðin eru komin í undanúrslit. Þróttur hefur spilað 15 leiki og af þeim hafa 12 unnist og 3 tapast.

Strákarnir biðja að heilsa heim í dalinn.

LIFI ÞRÓTTUR

Það var skemmtilegt fótboltaveður í Laugardalnum í kvöld þegar Þróttarar fengu Gróttumenn í heimsókn.  Grenjandi rigning og logn, þegar dómari leiksins flautaði til leiks.  Hallur og Dusan voru í banni hjá Þrótti, og liðið var þvið þannig skipað að Halli var í markinu með þá Ingva, Eystein, Helga Pétur og Birki fyrir framan sig.  Á miðjunni voru Elli Jack og Ingvar Óla.  Höddi og Guffi á köntunum og Dóri fyrir aftan Mumma sem var fremstur.

Leikurinn byrjaði ágætlega, og eftir 6 mínútur var Guffi sloppinn í gegn.  Guffi náði skotinu, en Kristján Finnbogason varði glæsilega í marki Gróttu.  Um 10 mínútum síðar fékk Guffi aftur boltann, eftir góða sendingu frá Hödda, en í þetta skiptið setti Guffi boltann framhjá.

Næsti heimaleikur meistaraflokks karla verður í kvöld, föstudaginn, 9. júlí, en ekki fimmtudaginn 8. júlí eins og upphaflega stóð til. Andstæðingar okkar að þessu sinni er lið Gróttu. Liðin hafa mæst tvisvar á þessu ári. Þróttur hefur unnið báða leikina, 3-2 í deildarbikarnum og 3-1 í bikarkeppni KSÍ. Að þessu sinni mætast liðin á Íslandsmótinu. Leikurinn verður leikinn á Valbjarnarvelli og hefst kl. 20:00.

Meistaraflokkur kvenna eiga leik í 1.deildinni í dag og eru andstæðingar þeirra stelpurnar frá Álftanesi og fer leikurinn fram á Bessastaðavelli kl 20:00.

Síðasti leikur þessara liða fór fram á Valbjarnavelli og endaði hann 13-0 okkar stelpum í hag. Vitað er að stelpurnar frá Álftanesi hafa beðið eftir þessum leik til þess að geta rétt sinn hlut af gegn stelpunum okkar.

Búist er við erfiðum leik og eru þær erfiðar heima að sækja en stelpurnar okkar eru búnar að spila 7 leiki í deildinni og hafa sigrað þá alla, skorað 41 mark og fengið á sig 4.

Við hvetjum alla til þess að fá sér bíltúr og styðja stelpurnar.

Lifi Þróttur.