Knattspyrnufélagið Þróttur

 

Kannski ekki mjög hefðbundinn fyrirsögn á heimasíðu Þróttar! En sigur Stjörnunnar þýðir að meistaraflokkur kvenna lendir ekki í neðsta sætinu Mikasadeildarinnar. Tæpara mátti það þó ekki vera, því Stjarnan vann Ými í oddahrinu 15-13. Samkvæmt þessu er Ýmir fallinn úr deildinni, en það er þó háð því að sigurvegarar 2. deildar þykki laust sæti í 1. deild. Þróttur 2, sem er skipað eldri leikmönnum, vann mótið í fyrra en þáði ekki sæti í 1. deild. Það er því ekki loku fyrir það skotið að Ýmir haldi sæti sínu, hafni sigurvegarar 2. deildar að flytja sig upp um deild. 

Meistaraflokkur kvenna lék í dag sinn síðasta leik á Íslandsmótinu gegn Stjörnunni í Íþróttahúsi gamla Kennaraháskólans við Háteigssveg. Örlög Þróttar ráðast þó á mánudag, þegar Stjarnan leikur gegn Ými. Það er skemmst frá því að segja að Þróttarstúlkur unnu gríðarlega mikilvægan sigur. Meira má lesa um leikinn hér að neðan. 

Meistaraflokkur kvenna leikur sinn síðasta leik á morgun, laugardag, í Íþróttahúsi gamla Kennaraháskólans við Háteigsveg. Andstæðingar okkar verða Stjörnustúlkur og hefst leikurinn kl. 1. Eftir tvo tapleiki í röð, fyrst gegn Ými og svo gegn Stjörnunni á miðvikudaginn verða okkar stúlkur að vinna á morgun. Annars verða það okkar hlutskipti að falla úr Mikasadeild kvenna! Oft er þörf en nú er nauðsyn. Þróttarar verða að fjölmenna og styðja við bakið á okkar stúlkum.