nóvember 2016

Fjölmargir leikir á Þróttarvelli um næstu helgi, 3.og 4.desember.

Laugardagur:

3 flokkur karla   A lið       kl. 14:00                               Þróttur – ÍR

3 flokkur karla   B lið        kl. 15:30                               Þróttur – ÍR

2 flokkur karla   B lið        kl. 18:00                               Þróttur – Fylkir

Sunnudagur:

4 flokkur karla   A lið       kl. 13:00                               Þróttur – ÍR

4 flokkur karla   B lið        kl. 14:20                               Þróttur – ÍR

4 flokkur karla   C lið        kl. 15:40                               Þróttur – Fram

2 flokkur kvenna              kl. 18:00                               Þróttur – Keflavík

hverjum forráðamenn og aðra áhugasama til að kíkja í Dalinn og sjá þessa flottu leiki.

Lifi Þróttur

Vilhjálmur Kaldal endurnýjar hjá Þrótti

Vilhjálmur Kaldal Sigurðsson hefur skrifað undir tveggja ára samning við knattspyrnufélagið Þrótt. Hann er nýorðinn 18 ára gamall og var hluti af U17-landsliði Íslands í fyrra. Vilhjálmur getur leyst flestar stöður á vellinum, en hefur þó oftast leikið jöfnum höndum sem miðjumaður og framherji.

GREGG: GRÍÐARLEGA EFNILEGUR LEIKMAÐUR
„Vilhjálmur er gríðarlega efnilegur knattspyrnumaður í öllu tilliti og við erum himinlifandi með þróun hans undanfarin misseri. Hann var frábær sem lánsmaður hjá Tindastóli síðastliðið sumar. Norðanmenn þjálfuðu hann vel og veittu honum dýrmæta reynslu. Ég vonast til þess að Vilhjálmur haldi áfram á sömu braut núna í vetur og leggi hart að sér til að ná sameiginlegum markmiðum okkar. Hann veit allt um það hversu mikil vinna felst í því að spila á efsta stigi. Það væri mikilvægt að fá framlag frá honum næsta sumar,“ segir Gregg Oliver Ryder, þjálfari Þróttar.

ÓTTHAR: UPPALINN ÞRÓTTARI Í TOPPKLASSA
„Þessi samningur er flott dæmi um það öfluga uppbyggingarstarf, sem nú stendur yfir í Laugardalnum. Vilhjálmur fór norður í sumar og spilaði þar með Tindastól í 3. deildinni við góðan orðstír. Þar þótti hann meðal bestu manna, þrátt fyrir að vera aðeins 17 ára. Þetta er ljúflingur eins og allir bestu Þróttararnir og hann hefur djúpar rætur hérna í hverfinu, hjartanu í Reykjavík. Þetta er uppalinn Þróttari í toppklassa og við erum mjög stolt af stráknum,“ segir Ótthar Sólberg Edvardsson, framkvæmdastjóri Þróttar.

NÁNAR: 19 MÓTSLEIKIR MEÐ TINDASTÓLI, TUGIR ÆFINGALEIKJA MEÐ ÞRÓTTI
Vilhjálmur á ennþá eftir að leika mótsleiki með meistaraflokki Þróttar, þrátt fyrir að hafa spilað tugi æfingaleikja með meistaraflokki undanfarin ár. Hann var lánsmaður hjá Tindastóli síðastliðið sumar og spilaði þar 19 leiki í 3. deildinni og skoraði tvö mörk. Í fyrra spilaði hann með SR í 4. deildinni og lék samhliða því með 2. flokki Þróttar. Með SR spilaði Vilhjálmur 6 leiki og skoraði í þeim 4 mörk. Þess má til gamans geta að Vilhjálmur æfði með enska félaginu Barnet á síðasta ári og skoraði meðal annars í leik unglingaliðsins gegn MK Dons.

Dómgæsla yngri flokka í knattspyrnu– mikilvægi foreldra/forráðamanna

Eins og kunnugt er skiptir dómgæsla miklu máli í leikjum yngri flokka sem og annars staðar,  en á síðasta ári voru leiknir á Íslandsmóti um 200 leikir á vallarsvæði Þróttar (auk þessa fjölmargir leikir á Rey Cup og VÍS móti)  þar sem félagið útvegaði dómara.  Oftar en ekki var því miður verið að bjarga dómurum á síðustu stundu í sumum leikjum og er ljóst að við verðum í sameiningu að reyna að vinna betur að málum þannig að skipulag sé á niðurröðun dómara og við útvegum dómara við hæfi til þess að dæma leiki hjá ungum iðkendum.

Lesa meira

Átt þú notaða fótboltaskó sem þú vilt gefa?

Nú leitum við til Þróttara sem eiga notaða fótboltaskó sem þeir vilja gefa til nota fyrir yngri iðkendur félagsins.

Fjölmargir yngri iðkendur vilja mæta á fótboltaæfingar til að prufa og er dýrt fyrir foreldra/forráðamenn að kaupa nýja skó ef viðkomandi iðkandi hættir svo eftir stuttan tíma.  Einhverjir luma kannski á skóm sem börn þeirra eru hætt að nota og gætu nýst í þessum tilgangi, þ.e. til láns fyrir unga iðkendur sem vilja mæta á æfingar til prufu.  Notuðum fótboltaskóm yrði safnað saman á skrifstofu félagsins og deilt til þeirra sem kunna að hafa not fyrir þá.  Ef þið eigið fótboltaskó sem börn ykkar eru hætt að nota og þið vildum koma í notkun fyrir aðra þá tökum við á móti þeim á skrifstofu Þróttar.