Konur

Frítt fyrir stelpur í árgöngum 2007 -2010 í handbolta fram að áramótum

Stjórn handknattleiksdeildar Þróttar hefur ákveðið að gefa stúlkum sem skrá sig nýjar inn á æfingar og eru í árgöngum 2007-2010 (6. og 7.flokkur) frítt að æfa handbolta fram að áramótum.

Með því að gefa stúlkunum frítt að æfa er ætlunin að hvetja enn frekar ungar stúlkur til þátttöku í handbolta en verulega hefur hallað á fjölda stúlkna gagnvart drengjum í yngri flokkunum.

Við hjá Þrótti hvetjum allar stelpur til að mæta og prófa handboltaæfingar hjá félaginu en æfingatafla þessara árganga er eftirfarandi:

Mánudagar        16:00-17:00 Laugardalshöll

Miðvikudagar    16:00-17:00 Laugardalshöll

Fimmtudagar     16:20-17:20 Íþróttahús MS

Þjálfari er Auður Þórðardóttir, audurbroa@gmail.com

Ef frekari upplýsinga er óskað þá vinsamlegast verið í sambandi við íþróttastjóra Þróttar í netfanginu thorir@trottur.is

Íslandsmeistarar Þróttar í handbolta kvenna frá árinu 1957 komu saman

Mikil gleði ríkti í Þróttarheimilinu í gær, þriðjudaginn 28.nóvember, þegar stúlkurnar úr Íslandsmeistaraliðinu frá 1957 komu saman og voru heiðraðar af stjórn félagsins.  Í tilefni þess að 60 ár eru nú liðin frá titlinum ákvað stjórn félagsins að bjóða liðinu til kaffisamsætis í Þróttarheimilinu og og þótti við hæfi að afhenda við það tækifæri verðlaunapening fyrir titilinn þar sem engir verðlaunapeningar voru afhentir fyrir 60 árum þegar liðið vann titilinn.  Finnbogi Hilmarsson formaður Þróttar kallaði hverja og eina upp og afhenti verðlaunapeninginn fyrir unnið afrek 60 árum áður jafnframt því sem heiðruð var minning þeirra úr hópnum sem fallnar eru frá.

Þrettán konur úr hópnum komu til samsætisins og svo skemmtilega vill til að í félagsheimili Þróttar er uppi stór mynd sem tekin var af hluta hópsins árið 1951 og vakti það upp ljúfar minningar þegar myndin var skoðuð og rifjuð voru upp atvik úr íþróttalífi þessa föngulega hóps sem er afar samheldinn og hittist regulega enn þann dag í dag.  Hópurinn hannaði og saumaði jafnframt keppnisbúninga félagsins á sínum tíma en hann þótti nokkuð djarfur og vakti mikla athygli.

Meðfylgjandi eru myndir frá samsætinu sem og myndin góða frá 1951

Lesa meira

Októberfest í Laugardal 7. og 8. október

Hinn 7. og 8. október verður haldin Októberfest-hátíð í risatjaldi í Laugardal í þriðja skipti. Tjaldið opnar síðdegis báða dagana og lokar á miðnætti. Þessu til viðbótar verður boðið upp á upphitun fyrir tvo leiki íslenska karlalandsliðsins í knattspyrnu á fimmtudag kl. 18:45 og sunnudag kl. 18:45. Sú upphitun hefst báða dagana kl. 16:00.

Á föstudeginum og laugardeginum verður aftur á móti boðið upp á fjölbreytta dagskrá, ásamt gómsætum veitingum á föstu og fljótandi formi með sterkum samstarfsaðila Þróttar, sem í þessu tilfelli er Vífilfell. Aðgangur er ókeypis og aldurstakmark eftir myrkur er 20 ár. Októberfest í Laugardal er menningarhátíð og til þess gerð að styrkja samfélagið í dalnum og taka vel á móti góðum gestum.

Umrætt tjald er fjölnota og hefur nú þegar verið reist við félagssvæði Þróttar, nánar tiltekið milli gervigrass og svokallaðs Þríhyrnings vestan við Skautahöllina. Tjaldið verður upphitað og vel búið húsgögnum. Dagskrá hverfishátíðarinnar er eftirfarandi.

  • FÖSTUDAGUR – 7. OKTÓBER
    16:00 – Tjaldið opnar
    17:00 – Grillið rúllar af stað
    20:00 – Barsvar/pubquiz með 80s-þema (dægurmenning & fótbolti): Berti Andrésson
    21:00 – Uppistand: Þórdís Nadia Semichat
    22:00 – Trúbador: Hreimur Örn Heimisson
    23:00 – Trúbador: Halldór Gylfason
    00:00 – Tjaldið lokar
  • LAUGARDAGUR – 8. OKTÓBER
    16:00 – Tjaldið opnar
    17:00 – Grillið rúllar af stað
    20:00 – Barsvar/pubquiz með 80s-þema (dægurmenning & fótbolti): Hjálmar Örn Jóhannsson
    21:00 – Uppistand: Snjólaug Lúðvíksdóttir
    21:20 – Trúbador: Ingólfur Þórarinsson
    23:00 – Trúbador: Eyjólfur Kristjánsson
    00:00 – Tjaldið lokar

Þess má geta að upphitun verður í tjaldinu fyrir leiki strákanna í A-landsliði Íslands gegn Finnlandi fimmtudaginn 6. október og Tyrklandi sunnudaginn 9. október. Báðir leikirnir hefjast kl. 18:45 og verður upphitun í tjaldinu fyrir þá báða dagana frá kl. 16:00 með grilli og guðaveigum við allra hæfi. Boðið verður upp á leikgreiningu og önnur skemmtilegheit fyrir alla áhugasama áhorfendur, sem eru á leiðinni á leikinn og vilja nýta tækifærið á undan og koma saman.

Októberfest-hátíðir eru nú haldnar um víða veröld og hafa á liðlega 200 árum þróast í menningarhátíðir þar sem tónlist og matur eru í hávegum höfð. Októberfest í Laugardal er þar engin undantekning og hefur verið fjölsóttur viðburður með vinalegri hverfisstemmningu. Októberfest í München er vitaskuld elst þessara hátíða, en hún var haldin í fyrsta skipti 17. október 1810. Hátíðin er nú orðin að einni fjölmennustu samkomu veraldar, en ár hvert sækja yfir sjö milljónir gestir hátíðina heim.

 

Handboltaskóli Þróttar 2016

Handboltaskóli Þróttar rúllar af stað núna í ágúst. Boðið verður upp á tvö hálfsdags vikunámskeið fyrir börn fædd á árunum 2004-2010 (þ.e. 7. flokk, 6. flokk og yngra árið í 5.flokki). Handboltaskólinn er frá kl. 09:00-12:00.

UM NÁMSKEIÐIÐ
Aðaláherslan er lögð á grunntækni í handbolta, ásamt því sem spilaðir verða skemmtilegir handboltaleikir. Námskeiðið er tilvalið fyrir byrjendur þar sem engrar kunnáttu er krafist, en þeir krakkar sem lengra eru komnir fá meiri tækni– og stoðkennslu og fyrir þá er námskeiðið kjörið til að koma sér í gang fyrir veturinn. Yfirþjálfari í skólanum Davíð Már Kristinsson (866-9890 og davidmarkristinsson@gmail.com).

NÁMSKEIÐ Í BOÐI
• Námskeið 1 // 8.-12.ágúst // kl. 9-12 // Laugardalshöll
• Námskeið 2 // 15.-19.ágúst // kl. 9-12 // Laugardalshöll

VERÐ
Námskeiðsgjald fyrir hvort námskeið er 6.500 kr.

AFSLÁTTUR
Veittur er 15% systkinaafsláttur.

SKRÁNING
Skráning í handboltaskólann fer fram hérna:
https://trottur.felog.is
Athugið að nauðsynlegt er að nýskrá sig inn í Nori-kerfið til að geta klárað skráningu.

GREIÐSLUFYRIRKOMULAG
Hægt er að greiða námskeiðsgjald með kreditkorti í Nori skráningakerfinu (https://trottur.felog.is). Einnig er mögulegt að greiða námskeiðsgjald með millifærslu, en þá þarf að senda upplýsingar í tölvupósti á thorir@trottur.is.

NÁNARI UPPLÝSINGAR.
Þórir Hákonarson íþróttastjóri Þróttar veitir allar nánari upplýsingar í netfanginu thorir@trottur.is og/eða síma 580-5902.