4. flokkur karla

Fjórir Þróttarar valdir í hæfileikamótunarhóp KSÍ

Þorlákur Árnason yfirmaður hæfileikamótunar hjá KSÍ og þjálfari U15 landsliðsins hefur valið hóp leikmanna sem taka þátt í hæfileikamótun KSÍ í Kórnum dagana 22-23 september.  Fjórir Þróttarar eru í hópnum, Arnaldur Ásgeir Einarsson, Brynjar Gautur Harðarson, Hinrik Harðarson og Óskar Máni Hermannsson en þeir eru allir fæddir árið 2004 og eru því gjaldgengir í næsta U15 ára lið en æfingahópur þess liðs verður valinn í lok september.  Við óskum piltunum til hamingju með valið og óskum þeim góðs gengis, vitum að þeir verða til sóma í þessum verkefnum.

Lifi……..!

Uppfærð æfingatafla í knattspyrnu

Æfingatafla í knattspyrnu hefur nú verið uppfærð með lítilsháttar breytingum frá áður birtum drögum.  Þar sem nokkur lið eru enn í úrslitakeppni verða æfingar og færsla á milli flokka með eftirfarandi hætti í næstu viku:

7 flokkur stúlkna (árgangar 2011 og 2012)                            skv.nýrri töflu og hefst á mánudaginn

7 flokkur drengja (árgangar 2011 og 2012)                           skv. nýrri töflu og hefst á þriðjudaginn

6 flokkur stúlkna (árgangar 2009 og 2010)                            Frí í næstu viku – hefst mánudaginn 10. september skv. nýrri töflu

6 flokkur drengja (árgangar 2009 og 2010)                           Frí í næstu viku – hefst mánudaginn 10. september skv. nýrri töflu

5 flokkur stúlkna (árgangar 2007 og 2008)                            Frí í næstu viku – hefst mánudaginn 10. september skv. nýrri töflu

5 flokkur drengja (árgangar 2007 og 2008)                           Frí í næstu viku – hefst mánudaginn 10. september skv. nýrri töflu

4 flokkur stúlkna (árgangar 2005 og 2006)                            skv. tilkynningu þjálfara vegna leikja

4 flokkur drengja (árgangar 2005 og 2006)                           skv. tilkynningu þjálfara vegna úrslitakeppni

3 flokkur karla og kvenna æfa skv.tilkynningu þjálfara í næstu viku þar sem leikjum er ólokið á Íslandsmóti í þeim aldursflokki.

Æfingatafla Þróttar knattspyrna haust 2018 á netið drög

Ef frekari upplýsinga er óskað þá vinsamlegast hafið samband við íþróttastjóra á póstfangið thorir@trottur.is

Ókeypis fótboltaæfingar í ágúst – skráning er hafin á haustönn!

Skráning er nú hafin á haustönnknattspyrnudeildar Þróttar. Við bjóðum uppá reglulegar æfingar fyrir stráka og stelpur á öllum aldri undir handleiðslu topp þjálfara auk þátttöku í fjölda skemmtilegra æfingjaleikja og móta með öðrum liðum. Hjá Þrótti heldur HM fótboltafjörið áfram í allan vetur og nú er rétti tíminn til að skrá sig til leiks!

Allir nýjir iðkendur eru velkomnir á ókeypis prufuæfingar í águst og í haust verða allar knattspyrnuæfingar ókeypis fyrir stúlkur fæddar 2013-2016 (8 flokkur kvk).

Skráning iðkenda og upplýsingar um æfingagjöld má nálgast hér: https://www.trottur.is/aefingagjold/

Upplýsingar um núverandi æfingatíma og skiptingu í flokka má nálgast hér, en ný tafla verður gefin út fyrir hausttímabilið (sept-des) í byrjun september, þegar stundaskrár og dagskrá frístundaheimila liggur fyrir: https://www.trottur.is/um-thrott/aefingatoflur/

Allar nánari upplýsingar veitir íþróttastjóri Þróttar, Þórir Hákonarson, thorir@trottur.is

Lifi Þróttur!

HM fótboltasumarið er hafið!

Skráning stendur nú yfir á sumaræfingar knattspyrnudeildar Þróttar. Við bjóðum uppá reglulegar æfingar fyrir stráka og stelpur á öllum aldri undir handleiðslu topp þjálfara auk þátttöku í fjölda skemmtilegra móta víða um land. Það verður sannkallað HM fjör hjá Þrótti í allt sumar og nú er rétti tíminn til að skrá sig til leiks!

Skráning iðkenda og upplýsingar um æfingagjöld má nálgast hér: https://www.trottur.is/aefingagjold/ 

Upplýsingar um æfingatíma og skiptingu í flokka má nálgast hér: https://www.trottur.is/um-thrott/aefingatoflur/

Allir nýjir iðkendur eru velkomnir á 1-2 prufuæfingar án endurgjalds og í sumar verða knattspyrnuæfingar ókeypis fyrir stúlkur fæddar 2012-2015 (8 flokkur kvk).

Allar nánari upplýsingar veitir íþróttastjóri Þróttar, Þórir Hákonarson, thorir@trottur.is

Allir með í HM fjörið hjá Þrótti!

Meiðsla- og ástandsskimun yngri flokka 2017/2018 – Knattspyrnudeild Þróttar

Knattspyrnudeild Þróttar í samráði við Valgeir Einarsson sjúkraþjálfara mun standa fyrir meiðsla – og ástandsskimun leikmanna yngri flokkar Þróttar (2, 3 og 4 flokkur) í Þróttarheimilinu dagana 27.-29. desember n.k.Skimun yngri flokka fór í fyrsta sinn fram fyrir ári síðan í desember 2016. Þátttaka í fyrra var góð og því hefur verið ákveðið að bjóða upp á sams konar skimun á ný.

Lesa meira