VÍS-MÓTIÐ 2019

Fótboltahátíð VÍS og Þróttar

Haldin í Laugardalnum 25. – 26. maí 2019

Knattspyrnufélagið Þróttur í samstarfi við VÍS, Vátryggingafélag Íslands heldur knattspyrnuhátíð fyrir yngstu iðkendurna, drengi og stúlkur í 6., 7., og 8. flokki dagana 25.- 26. maí í Laugardalnum, þar sem allar aðstæður eru hinar bestu.

Nýjustu fréttir af mótinu er hægt að nálgast á Facebook síðu VÍS-mótsins https://www.facebook.com/VISmotid/

Fjölskyldukort Þróttar 2019

Kæru foreldrar og forráðamenn,

Þróttur ætlar nú í sumar að bjóða upp á “Fjölskylduárskort 2019” fyrir foreldra og forráðamenn skráðra iðkenda í Þrótti. Kortið kostar einungis 6.000 kr og gildir fyrir tvo á alla leiki í Inkasso-deild karla og kvenna.  Munið líka að það er frítt fyrir 16 ára og yngri á leikina í sumar.

Eina sem þarf að gera er að fara á slóðina https://trottur.felog.is/ skrái sig inn með rafrænum skilríkjum og það kemur upp námskeið á þeirra nafni sem heitir „Fjölskyldukort 2019“.

Einnig verður hægt að kaupa kortið á vellinum í miðasölu. 

Afhending á kortinu verður í miðasölunni á heimaleikjum og/eða á skrifstofunni.

Þróttur vill hvetja sem flestar fjölskyldur til að koma á leikina í sumar og með þessu móti viljum við koma til móts við fjölskyldurnar í Þrótti. #LifiÞróttur #Lifi70

Tvö lið Þróttar í 5.flokki drengja Reykjavíkurmeistarar

Á dögunum lauk Reykjavíkurmóti yngri flokka og var Þróttur með 9 lið skráð í mótið í 5.flokki drengja.  Strákarnir gerðu vel á mótinu, tvö lið, C og D,  stóðu upp sem sigurvegarar og önnur þrjú lið lentu í 2. sæti í sínum styrkleikaflokki.  Vel gert hjá strákunum og árangur sem gefur vonandi góð fyrirheit um framtíðina.  Á meðfylgjandi myndum eru sigurvegarar C og D liða Þróttar.  Lifi….!