VÍS-MÓTIÐ 2019

Fótboltahátíð VÍS og Þróttar

Haldin í Laugardalnum 25. – 26. maí 2019

Knattspyrnufélagið Þróttur í samstarfi við VÍS, Vátryggingafélag Íslands heldur knattspyrnuhátíð fyrir yngstu iðkendurna, drengi og stúlkur í 6., 7., og 8. flokki dagana 25.- 26. maí í Laugardalnum, þar sem allar aðstæður eru hinar bestu.

Nýjustu fréttir af mótinu er hægt að nálgast á Facebook síðu VÍS-mótsins https://www.facebook.com/VISmotid/

Leikjaplan og mynd af mótssvæðinu: https://www.trottur.is/vis-motid/

Fjölskyldukort Þróttar 2019

Kæru foreldrar og forráðamenn,

Þróttur ætlar nú í sumar að bjóða upp á “Fjölskylduárskort 2019” fyrir foreldra og forráðamenn skráðra iðkenda í Þrótti. Kortið kostar einungis 6.000 kr og gildir fyrir tvo á alla leiki í Inkasso-deild karla og kvenna.  Munið líka að það er frítt fyrir 16 ára og yngri á leikina í sumar.

Eina sem þarf að gera er að fara á slóðina https://trottur.felog.is/ skrái sig inn með rafrænum skilríkjum og það kemur upp námskeið á þeirra nafni sem heitir „Fjölskyldukort 2019“.

Einnig verður hægt að kaupa kortið á vellinum í miðasölu. 

Afhending á kortinu verður í miðasölunni á heimaleikjum og/eða á skrifstofunni.

Þróttur vill hvetja sem flestar fjölskyldur til að koma á leikina í sumar og með þessu móti viljum við koma til móts við fjölskyldurnar í Þrótti. #LifiÞróttur #Lifi70

Frítt fyrir stelpur að æfa í 8.flokki í knattspyrnu

Frítt verður á æfingar hjá stúlkum í 8.aldursflokki vortímabilið 2019 eða fram til 15.maí 2019.

Með því að gefa stúlkum frítt að æfa er ætlunin að hvetja enn frekar ungar stúlkur til þátttöku í knattspyrnu en verulega hefur hallað á fjölda stúlkna gagnvart drengjum í yngri flokkunum.

Við hjá Þrótti hvetjum allar stelpur til að mæta og prufa fótboltaæfingar hjá félaginu. Mikill metnaður er lagður í að blanda saman kennslu og skemmtun, svo iðkendur hafi gaman af og bæti sig um leið á sviði knattspyrnunnar.