Fimm leikmenn í meistaraflokki kvenna hafa skrifað undir nýja samninga við Þrótt og gilda allir samningarnir út tímabilið 2021. Liðið tryggði sér nýverið sæti í Pepsi Max deildinni að ári og er það mikið gleðiefni að leikmennirnir sýni félaginu tryggð með þessum hætti og verði áfram í lykilhlutverkum í uppbyggingu liðsins til næstu ára. Stúlkurnar sem gerðu samninga núna eru Andrea Rut Bjarnadóttir, Álfhildur Rósa Kjartansdóttir, Elísabet Freyja Þorvaldsdóttir, Friðrika Arnardóttir og Jelena Tinna Kujundzic og eru þær á meðfylgjandi mynd ásamt þjálfara liðsins, Nik Chamberlain og stjórnarmönnum knattspyrnudeildar, Dagný Gunnarsdóttur, Braga Skaftasyni og Ólafi Kjartanssyni. Við Þróttarar fögnum undirritun nýrra samninga og hlökkum til samstarfsins á næstu tímabilum. Lifi…..!