Ungir Þróttarar skrifa undir samninga við knattspyrnudeild

Knattspyrnudeild Þróttar skrifaði á dögunum undir þriggja ára samninga við þrjá unga leikmenn sem fæddir eru árið 2003.

Adrían Baaregaard Valencia, Egill Helgason og Fjalar Hrafn Þórisson gengu allir frá undirritun samninga en þeir hafa frá unga aldri æft knattspyrnu hjá Þrótti og hafa m.a. verið valdir í Reykjavíkurúrval og til úrtaksæfingar landsliða undanfarið.

Miklar vonir eru bundnar við strákana og með samningnum vill félagið sýna að það hefur mikla trú á að þar séu á ferð framtíðarleikmenn Þróttar og vonandi landsliðsins.  Þróttur skuldbindur sig m.a. með samningnum til þess að bjóða leikmönnunum upp á aðstöðu og umgjörð til þess að þeir  geti bætt sig enn frekar og fái þá þjálfun sem til þarf.

Það er mikið gleðiefni fyrir okkur Þróttara þegar ungir leikmenn eru reiðubúnir til þess að sýna félaginu traust með þessum hætti og verður lögð áhersla á að Þróttur standi undir því trausti.  Lifi Þróttur!

sjá myndir

Adrían Baaregaard Valencia

Egill Helgason

Fjalar Hrafn Þórisson