Stelpurnar í U17 landsliðinu eru nú í Wales þar sem þær leika á undirbúningsmóti UEFA en einnig leika á þessu móti Norður Írland og Færeyjar. Úlfar Hinriksson er þjálfari liðsins.

Nú er fyrsta leik liðsins nýlokið en sannfærandi 4-0 sigur vannst á heimastúlkum í Wales.

Á 18. mínútu tók fyrirliðinn Ingibjörg Sigurðardóttir hornspyrnu, sendi knöttinn inn í teiginn og varnarmaður Walesverja varð fyrir því óláni að setja sjálfsmark. Fyrir hlé skoraði Wales aftur sjálfsmark og staðan 2-0 þegar liðin gengu til búningsklefa.

Átta mínútur voru svo liðnar af seinni hálfleik þegar fyrirliðinn Ingibjörg bætti þriðja markinu við. Esther Rós Arnarsdóttir bætti við fjórða markinu á lokamínútunni og 4-0 sigur Íslands því í höfn.

Á morgun leika stelpurnar við Norður-Írland.

Byrjunarlið Íslands:
Markvörður: Hafdís Erla Gunnarsdóttir
Hægri bakvörður: Tanja Líf Davíðsdóttir
Vinstri bakvörður: Selma Dögg Björgvinsdóttir
Miðverðir: Bergrós Lilja Jónsdóttir og Nótt Jónsdóttir
Miðjumenn: Lillý Rut Hlynsdóttir, Ingibjörg Sigurðardóttir, fyrirliði og Petrea Björt Sævarsdóttir
Hægri kantur: Hulda Ósk Jónsdóttir
Vinstri kantur: Esther Rós Arnarsdóttir
Framherji: Sigríður María Sigurðardóttir

(Komu inn af bekknum: Sara Skaptadóttir, Málfríður Anna Eiríksdóttir, Þorgerður Einarsdóttir, María Eva Eyjólfsdóttir, Erna Guðrún Magnúsdóttir, Eva Bergrín Ólafsdóttir, Arna Dís Arnþórsdóttir)

Upplýsingar af Facebook-síðu KSÍ.

Senda a Facebook Hafdu samband Senda frétt Prenta frétt Frétta leit